Orzuga erishish uchun kurashish kerak. Buning uchun o‘zingni qurbon qilishing, qattiq mehnat qilishing zarur. Men buning uchun hayotimning 17 yilini sarflaganman.

Baxtiyor va tabassum qilayotgan bolani ko‘rishdan ham ulkanroq quvonch yo‘q. Men doim qo‘limdan kelganicha, kezi kelganida dastxatlar ulashib bolalarga shodlik ulashishga urinaman. Bolaning kulgisi dunyodagi jamiki boylikdan qimmat.

Men ham boshqalar singari hayot kechiruvchi oddiy odamman.

Sen urgan gol jamoang o‘yinda g‘alaba qozonsagina ahamiyatli bo‘ladi.

Men ota bo‘ldim. Bu – hayotdagi ulkan o‘zgarish pallasi. Otalik hayotga boshqacha boqishingni ta’minlaydi. Endi farzandim – mening hamma narsam.

Men bolalik davrimdan boshlab hozirgacha futbol o‘ynashdan rohatlanaman. Va so‘nggi qadamni tashlashga kuchim yetguniga qadar shunday bo‘lib qoladi.

Men jahon chempioni bo‘lishni o‘zgalarning menga nisbatan hurmatini oshirish, yoki buyuklik uchun orzu qilmayman.

Men o‘z millatim va milliy jamoam sha’nini ko‘tarib maydonga chiqish, ayni shu maqsadda ismim yoniga «jahon chempioni» degan nomni qo‘shib qo‘ymoqchiman.

Men hech qachon bugungidek hayot kechirishimni tasavvur ham qilib ko‘rmaganman. Har doim futbolni yaxshi o‘ynashni orzu qilganman va bugun o‘z orzularimda yashamoqdaman.

Futbol uchrashuvlaridan so‘ng boshqalar qatori oilam, do‘stlarim davrasida bo‘lishni afzal ko‘raman.

Uyga kelish va tobora ulg‘ayib borayotgan o‘g‘limni ko‘rish – menga tashvishlarimni bir zumda unutishga yordam beradigan quvonchdir. Bu xursandchilik meni tubdan o‘zgartirdi.

Meni futbol ulg‘aytirgan. Bu kunga kelguncha ko‘p kunlarni boshdan o‘tkazdim. Maydon va uning tashqarisida bo‘lgan yaxshi va yomon narsalar avvalo inson va professional bo‘lishimga xizmat qilgan.

Mendagi g‘ayratning omili pul emas. Mening shijoatim uchun koptokning oyog‘imda bo‘lishidan ham muhimroq omil yo‘q. Ishonch bilan aytishim mumkinki, havaskor o‘yinchi bo‘lgan taqdirimda ham hozirgidek o‘ynagan bo‘lar edim.

Hayotda futbolda g‘olib bo‘lish yoki yutqazishdan ham muhimroq ishlar bor.

Men doimo o‘z chegaralarimni, imkoniyatim sarhadini kesib o‘tishga intilaman. Kundan-kun mahoratni oshirib borish eng katta ehtiyojim.

“Mana Buyuklar” kanali